HATAW! D'yaryo ng Bayan hatawtabloid.com
ISA pala si Beauty Gonzales sa pinagpilian para sa karakter na Reina Dimayuga sa unang romantic drama series ng NET 25 na Ang Daigdig Ko’y ikaw na produced ng Eagle Broadcasting Corporation.
Si Ynna Asistio ang nagtagumpay bilang si Reina na makakatambal ni Geoff Eigenmann sa papel na Romer del Mundo na leading man ng aktres.
Ang taray ni Ynna dahil tinalo niya si Beauty sa go-see. Siguro sabi ni God, give chance to others kasi naman ang dami-daming project ni Beauty naman ngayon sa TV5 at soon mayroon din sa Kapamilya Network.
Anyway, sa loob ng 14 years ay ngayon lang bibida si Ynna sa series at malaking hamon ito para sa kanya lalo’t unang romantic drama series ito ng NET 25 kaya malaki ang nakaatang sa balikat niya.
Hindi naman itinanggi ng aktres na kinabahan siya, pero may bala siyang baon dahil anim na taon siyang walang tigil na nagwo-workshop kay Direk Rahyan Carlos sa Star Magic at nahawakan din siya ng kilalang acting coach ng LA, California USA na si Ivans Chubbuck.
Sa ginanap na launching ng Daigdig Ko’y Ikaw sa Iglesia Ni Cristo Museum sa Central Avenue, Quezon City ay nagkuwento si Ynna.
“Six years po akong continuous acting workshop and ‘yung first week namin sa Las Casas (location ng shooting) was our last session for Master Class, so kahit wala akong trabaho, continuous ‘yun, every year kaya malaking tulong po ito ngayon sa akin kasi ito na ‘yung resulta ng pagwo-workshop ko for six years.
“Ang dami po kasing nagsabi na workshop ako ng workshop, wala naman akong trabaho, eh, ito po kasi ‘yung seed na ibibigay mo sa sarili mo kasi pagdating ng araw na plant ka na at puwede ka na i-harvest, magagamit mo na,” pahayag nito sa mga dumalong entertainment media.
FACT SHEET
ni Reggee Bonoan
