Direk Gina, umaaray sa social distancing

UMAARAY si director Gina Alajar sa protocol na social distancing nang magbalik-taping ang Kapuso afternoon program na Prima Donnas na eere na simula ngayong hapon.

Naayos man nila ang takbo ng kuwento kahit wala na sa main cast ang batang si Sofia Pablo dahil 14 years old pa lang, namroblema siya sa eksena nina Wendell Ramos at Katrina Halili.

“Paano sila magyayakapan? Paano sila maghahalikan eh sila ‘yung may romance? Paano ang love scene nila? Ang daming dapat i-consider?” saad ni direk Gina sa virtual presscon ng series.

Natuwa naman siya dahil walang prima donna sa set, lahat nakikisama at alam nila ang mga limitasyon sa trabaho.

I-FLEX
ni Jun Nardo