Megan Young, inspirasyon ni Rabiya Mateo

SI Miss World 2013 Megan Young ang inspirasyon ni Miss Universe Philippines 2020 Rabiya Mateo, kaya siya sumasali sa mga pageant at nangarap na maging beauty queen.

Malaki ang paghanga ng 23 years old na si Rabiya kay Megan kaya naman pinangarap niyang makasali sa Miss World Philippines pero naniniwala itong itinalaga siya ng Diyos para sumali sa Miss Universe Philippines 2020 at maiuwi ang korona.

Unang sinalihan nito ang Miss IloIlo na nakuha niya ang korona at naging pambato ng nasabing probinsiya sa Miss Universe Phillipines 2020 na kanyang napanalunan at masuwerteng nasungkit ang korona.

Ikinuwento ni Rabiya sa ginawang meet and greet ng Frontrow sa Manila Hotel ang kanyang humble beginning at hirap bago nakamit ang tagumpay.

Dumalo rin sa pagtitipong iyon ang mga kaibigan niyang sina Miss Ilocos Sur at Miss Gensan na nagbahagi ng ilang kuwento ukol kay Rabiya na ‘di naiwasang maluha sa mga ikinuwento ng mga ito.

Rito ay nasubukan din na hindi lang ganda ang mayroon si Rabiya kundi matalino rin sa mga katanungang ibinato ng mga Entertainment press.

John Fontanilla