HATAW! D'yaryo ng Bayan hatawtabloid.com
NAGDIWANG ang avid fans at viewers ng Prima Donnas matapos ilabas ang teaser ng fresh episodes nito na mapapanood simula Nobyembre 9.
Nabitin ang viewers sa kahihinatnan ni Lilian (Katrina Halili) na idiniin ni Kendra (Aiko Melendez) sa krimeng hindi naman niya ginawa. Sinubukan nina Mayi (Jillian Ward), Ella (Althea Ablan), at Lenlen (Sofia Pablo) na bisitahin ang kanilang nanay sa presinto ng hindi nagsasabi sa kanilang amang si Jaime (Wendell Ramos) na nagdesisyon namang ituloy na ang kasal nila ni Kendra.
Talagang excited na ang viewers ng serye na mapanood ang pagpapatuloy ng kuwento nito. Post nga ng isang netizen, “Sana mabunyag na ang lihim ni Kendra para masaya na ang 3 donnas.”
Abangan ang fresh episodes ng Prima Donnas sa Nobyembre 9 sa GMA-7!
Joe Barrameda
