HATAW! D'yaryo ng Bayan hatawtabloid.com
PATULOY na pinaghahanap ng mga lokal na rescue team ang dalawang menor de edad na natangay ng rumaragasang baha habang tumatawid ng ilog kasama ang tatlong iba pa sa Barangay Ilayang Bukal, sa lungsod ng Tayabas, lalawigan ng Quezon, nitong Miyerkoles ng gabi, 28 Oktubre.
Patuloy na pinaghahanap ng DRMMO Rescue Team, Tayabas City Police, at Bureau of Fire Protection ang mga nawawalang batang kinilalang sina Irish Deraman, 13 anyos; at Derick Cervantes, 9 anyos.
Samantala, nakaligtas ang tatlong kasama nila na sina Jayson Oñate, 8; Jaycee Oñate, 10; at Bea Berlin Nebrea, 10.
Ayon sa ulat, dakong 6:32 pm kamakalawa, nang makatanggap ng tawag mula sa 911 ang Tayabas City PNP kaugnay sa insidente ng pagkalunod sa naturang lugar.
Lumalabas sa imbestigasyon ng pulisya na tumatawid ang limang mga bata sa ilog sa kasagsagan ng malakas na ulan.
