Bantay Bayan sa Tarlac pinagkalooban ng ayuda

KATUWANG ang City Social Welfare and Development Office (CSWD) sa ilalim ng programang Assistance in Crisis Situation (AICS), binigyang ayuda ng pamahalaang lungsod ng Tarlac sa pamumuno ni Mayor Cristy Angeles ang unang batch ng mga Bantay Bayan sa 17 barangay na kabilang sa kabuuang 76 barangay ng siyudad, sa lalawigan ng Tarlac.

Ayon kay Mayora Angeles, napakahalaga ang ginagampanang papel ng mga Bantay Bayan na hindi alintana ang pagod na umiikot  sa pagroronda upang masawata ang krimen at sa pagpapatupad ng mga health safety protocol upang maiwasan ang pagkalat ng CoVid-19.

Pinabaunan din ng masks, face shields, at alcohol ang mga Bantay Bayan sa nasabing programa.

Raul Suscano