Alex Diaz, eeksena sa loveteam nina Kokoy at Elijar

PINAGHIWALAY muna ang magka-loveteam sa BL o Boy’s Love digital series na Game Boys na sina Kokoy De Santos at Elijah Canlas dahil may ibang project ang una at kasama niya si Alex Diaz.

Base sa teaser na ipinost ng Dreamscape Entertainment, girlfriend ni Kokoy si Barbie Imperial pero nang makita niya ang hubad na katawan na may abs pa ni Alex ay nataranta ang una at sabay sabi sa sarili, ”hindi, hindi ako bakla.”

Ang titulo ay O Mando na mapapanood sa iWant Original series na ididirehe ni Eduardo Roy, Jr. ng Found Films at Dreamsscape Entertainment.

Ang awiting Mabagal nina Daniel Padilla at Moira Dela Torre ang soundtrack ng O, Mando.

Ang tanong namin ay bagay na loveteam din sina Kokoy at Alex at puwedeng mag-click ito at magkaroon ng 2nd season.  Paano na ang Game Boys?  Tatangkilikin pa kaya?

Abangan.

FACT SHEET
ni Reggee Bonoan