HATAW! D'yaryo ng Bayan hatawtabloid.com
“H i everyone! Celebrating our 3 years of friendship. We may not see each other that much because of our busy schedules, but when we do it, it’s always a RIOT of FUN!!!! As the saying goes, ‘We all have that friend who you may not see very often, but when you reconnect it just feels like yesterday.’ I am lucky to call them my friends!” ito ang bungad ni Kim Chiu sa kanyang vlog na in-upload niya 19 hours ago habang isinusulat namin ito.
Deadma sa Covid-19 pandemic ang magkakaibigang Bela Padilla, Angelica Panganiban, at Kim dahil pumunta sila ng Zambales para mag-unwind at ang una ang driver ng van nila.
Mabuti na lang at ni isa sa tatlong aktres ay hindi na-link kay Gerald Anderson na madalas ngayong nasa Zambales din dahil doon matatagpuan ang kanyang pinauupahahang Hayati Private Resort or else baka bigyan ng malisya ito.
Nagpunta sina Kim, Bela, at Angelica sa nasabing lugar para ipagdiwang ang kanilang 3rd friendship anniversary na tinawag nilang AngBeKi na kinuha sa simula ng mga pangalan nila.
Sa vlog ni Kim ay mapapanood ang out of town adventure nila nina Bela at Angge.
”This is super exciting and looking forward kung ano ‘yung magiging first outing namin in this quarantine season,” simula ni Kim.
Adventure talaga ang ginawa ng AngBeKi dahil nag-gate crash sila sa birthday lunch party na pinuntahan ng kaibigan nilang si Cherry Pie Picache na kasama ni Angge sa teleseryeng Walang Hanggang Paalam na umeere ngayon sa Kapamilya channel.
Kakatawa dahil halos lahat ng taong nasa venue ng hotel ay binati nila ng happy birthday na hindi naman pala dahil ang may kaaarawan ay nakaupo sa pinaka-dulo.
In fairness, tuwang-tuwa ang taong may kaarawan dahil ang gatecrashers niya ay mga sikat na artista kaya mega-pictorial ang lahat kahit may social distancing.
Nilubos na ng tatlong magkakaibigan ang pagge-gate crash dahil nakiligo na rin sila sa pool at saya-sayahan ang drama nila.
Si Kim ang nag-ihaw ng steak para sa dinner nila bukod pa sa ibang inihandang ulam tulad ng crab at si Angelica ang taga-imis ng mismis sa plato bago ito hugasan ni Bela, si Kim naman ang tagapunas.
Habang nagpapababa ng mga kinain nila ay naglaro sila sandali ng cards na kinawawa nina Angelica at Bela si Kim dahil hindi gaanong maalam sa laro nila.
Kinaumagahan naman ay makikita si Angelica na nagluluto ng tuna omelet, corned beef, at fried rice.
Nag-island hopping din ang tatlo sakay ng motor board na si Angelica mismo ang nagda-drive.
Ang ganda ng napuntahan nilang island na maraming puno sa paligid kung saan sila nag-stay para ibaba ang gamit at para maligo sa blue water ng nasabing isla.
Pagandahan ng two-piece ang tatlo at bigla naming naisip na puwede silang gumawa ng pelikula na sila mismo ang bida na mala-Temptation Island, ano sa tingin mo Ateng Maricris?
Ipinakitang umahon na ang tatlo dahil madilim na ang langit, sabi nga ni Kim, ‘’feeling ko, uulanin kami (lakas ng hangin). Grabe, it’s going to rain.” Ipinakikitang naghihiwa naman ng kalamansi si Angelica na feeling din namin ay ihahalo nila ito sa inumin nila.
Ang grupo nilang AngBeKi ay nabuo, ”Twitter name lang ‘yan. Pinagsama ‘yung Angelica, Bela, and Kim. Sakto naman mga bakla naman kami. Babaeng bakla. So sige AngBeKi na lang tayo.”
At natapos ang isang araw na getaway bonding na ayon sa kanila ay gagawin nila taon-taon.
FACT SHEET
ni Reggee Bonoan
