Angelica kaya bang magpayo sa ex-BF? — Hindi no! Ano siya, sinusuwerte?

Sa #AskAngelica digital show ni Angelica Panganiban handog ng Star Cinema na ang concept ay nagbibigay siya ng payo/suhestiyon sa mga tao, natanong ang aktres kung may insidenteng nilapitan siya ng naka-relasyon ng ex-boyfriend niya para hingan ng payo o kaya ba niyang magbigay ng payo?

 “Hindi no! Ano siya, sinusuwerte?” tila nagulat na sagot ni Angelica sabay tawa.

Sabay sabing, “Ayusin nila ‘yun! Figure out niya kung paano. Kaniyang kanya na ‘yon! ‘Wag niyo akong isali, ang kakapal ng mukha! Ano to?”

Pero totoo nga, may nagtanong pala kay Angge na ex-girlfriend ng ex-boyfriend niya na tinanong siya kung paano siya naka-move on.

 “Well mayroong nag-attempt! Pero, hiwalay na sila. Parang tinanong lang ako kung paano ako naka-move on.

“’Ha? Talaga ba?’ Though hindi naman kami nagkaroon ng problem ng girl na ‘to, I mean naging sila, out of the picture na talaga kami.

 “So, nag-reach out lang, ako, wirdong-wirdo na parang ‘okay?’ Ako naman, naawa. Pero ‘pag naman hiwalay na, siguro ‘yon, okay lang na parang ‘okay lang ‘yan, naku, makaka-move on ka rin’ sabi ko sa kanya,” pahayag ni Angelica.

Interesting ang digital show na ito ni Angge at tiyak na maraming makare-relate sa mga kuwento at payo niya kaya abangan sa Setyembre 25 ang #AskAngelica sa social media platforms ng ABS-CBN Films, YouTube channel ng Sinehub, MyChos at iba pa.

 

FACT SHEET
ni Reggee Bonoan