HATAW! D'yaryo ng Bayan hatawtabloid.com
MAY usapan pala sina Ivana Alawi at ang yumaong vlogger na si Lloyd Café Cadena. Ang aktres ay may 8.67M subscribers sa YouTube sa loob ng isang taon at si Lloyd ay may 8.6M subscribers sa dalawang account niya sa YouTube.
May vlog challenge pala sila pero hindi na ito nagawa ni Lloyd dahil inatake siya sa puso habang positibo sa Covid sanhi ng kanyang pagkamatay noong Biyernes, Setyembre 4 ng umaga.
Base sa kuwento ni Ivana, “Hinamon ako ni Kween Lloyd Cafe Cadena sa kanyang last vlog na in-upload niya sa kaniyang channel. Ang request n’ya, mag-carwash kami ng Bus together.
“Nakalulungkot man at hindi natin magagawa ng magkasama ito at wala ka rito sa tabi ko itutuloy ko ang hamon mo dahil alam ko nanonood ka riyan sa heaven at masisiyahan ka rito.
“Para kay Lloyd itong video at lahat ng kikitain nitong video ay ibibigay natin sa kanyang naiwang pamilya para makatulong kahit sa maliit na paraan na alam ko.
“Hindi pa kita nami-meet personally or naka-collab. Pero alam ko mayroon kang napakabait na puso. Marami kang natulungan, napasaya, na-inspire.
“Kween LC isa ka sa pinaka original na YouTuber na mahal namin and you will never be forgotten.”
“REST IN PARADISE.”
At heto naka 3.1M views na kaagad sa loob ng 18 hours na in-upload ang Bus wash challenge ni Ivana pag-aari ng BGC Bus.
Mag-isa lang si Ivana sa venue na siya ng bus para sa safe protocols.
Sabi ng sexy actress, “PINASARA AT WALANG IBANG TAO ANG NASA AREA NA ITO KAYA NAKAPAG TANGGAL AKO NG MASK.”
FACT SHEET
ni Reggee Bonoan
