Rufa Mae, tuloy sa pagpapagawa ng bahay kahit may pandemya

ANG taray ni Rufa Mae Quinto dahil habang pandemya pala ay ipinagagawa niya ang bahay niya rito sa Pilipinas.

Kasalukuyang nasa San Mateo, California USA si Rufa Mae kasama ang anak nila ni Trevor Magallanes dahil inabutan sila ng lockdown noong Marso. Ilang buwang walang byahe patungong Pilipinas ang mga arline company.

At habang nasa Amerika ay panay naman ang pasyal ng mag-anak na tila hindi apektado ng Covid-19 pandemic.  Hindi rin nalilimutan ng komedyana ang mag-ehersisyo sa garahe ng bahay nila.

Samantala, ipinasilip ni Rufa Mae ang bahay niya rito sa Pilipinas na malapit ng matapos

Ang caption ng video ni Rufa Mae sa IG account niya, ”Ito ‘yung bahay namin sa Pilipinas na uuwian namin kapag pwede ng umuwi. Imagine habang pandemic, nagpapagawa ako ng bahay habang andito ako sa malayong lugar sa America.

“Nandyan ‘yang lock down, stop close, open, ecq, mcq, gcq , etc pero sa awa ng Diyos , pa tapos na ang bahay, naitawid ang Lahat . Kaka miss pero wait wait Lang.  Todo na to! Go go goals God will provide amen.  Ito rin ‘yung katas ng labor of love. Ito din ang isa sa dahilan Bakit miss na miss ko ang Pilipinas.” Kung hindi magbabago ang plano ay sa katapusan ng Setyembre o early week ng Oktubre ang balik nina Rufa Mae at anak sa Pilipinas.

FACT SHEET
ni Reggee Bonoan