Ilang Kapuso series, umariba na sa taping

THE show must go on kahit kasama pa rin natin ang Covid-19.

May dalawang movies na ang natapos ang shooting – On The Job 2 at My First, My Last Luis Loves Luisa.

Pagdating naman sa taping ng naudlot na TV shows dahil sa pandemya, umariba na ang tapings ng Kapuso series na Descendants of the SunPH at Anak ni Waray versus Anak ni Biday nina Barbie Forteza at Kate Valdez.

May iti-tape na special episode ang comedy show na Pepito Manaloto at umaarya na rin sa taping ng kanyang show na Dear Uge si Eugene Domingo.

Balik-taping na rin ang comedy duo na sina Boobay at Super Tekla na The Boobay at Tekla Show na mapapanood sa September 13.

Wala pang vaccine sa virus pero kailangang umandar ang ekonomiya or else, maraming mamamatay sa gutom!

I-FLEX
ni Jun Nardo