Alessandra, napilitang magbenta ng sasakyan para makabayad ng  bills

NAGBENTA ng sasakyan si Alessandra de Rossi para may pambayad ng bills.

 

“Dalawa ‘yung sasakyan ko. Binili ko lang ‘yung isa pangrelyebo sa coding dahil nga kapag coding hindi ako lumalabas natatakot akong mahuli ng MMDA,” pahayang ng aktres.

 

Simula kasi noong Marso ay wala ng tinanggap na trabaho si Alesaandra kahit maraming offers dahil takot nga siyang magka-covid kaya walang pumapasok na income at puro palabas dahil hindi naman nahinto ang pagbabayad ng bills kasama na ang pagbili ng pagkain.

 

“Noong sinabing stay at home, tinotoo ko siya. And of course sa stay at home na ‘yon wala kang financial na papasok, it’s all palabas. Lahat ng projects tinatanggihan ko rin.”

 

Pero aniya, bayaran na naman ng bills ngayong buwan kaya nagbenta siya ng sasakyan.

 

Ang inaabangan ngayon ni Alessandra ay pagsilang ng pamangkin niya sa Ate Assunta de Rossi at bayaw niyang si Jules Ledesma.

 

“Sobrang excited kami as in ‘yung mommy ko sa Italy namimili na ng  baby clothes. Ang bilis ng mga pangyayari, ‘yung ganoon. Pero nandoon na rin ako kapag nanganak siya I think I have to be there,” say ng excited tita.

 

FACT SHEET
ni Reggee Bonoan