HATAW! D'yaryo ng Bayan hatawtabloid.com
KINUMUSTA namin si Klinton Start kung ano ang latest na pinagkakaabalahan niya ngayon. Baka kasi after ng three months na pagka-quarantine dahil sa Covid19, kinakalawang na siya sa sayawan.
Sagot ng binatang binansagang Supremo ng Dance Floor, “Siyempre una po, hindi mawawala ang pagwo-work-out po para maging fit pa rin po ako and pangalawa po, nanonood po ako ng mga dance video sa YouTube, tapos ay gagayahin ko po.”
Naibalita rin ni Klinton ang latest sa kanilang show na Yes Yes Show from SMAC Television Production.
“Nagkaroon po kami ng segment na “Debateens,” kung saan po bibigyan po kami ng topic na pag-uusapan po namin, and mayroon din po kaming mga mapapanood na performances rito.”
Kung puwede na silang mag-shooting or taping, maiilang ba siya? “Matatakot po, kasi po hanggang ngayon is hindi pa rin po safe talaga lumabas, tapos ay wala pa rin pong vaccine. Kaya natatakot pa rin po kami, hanggang ngayon.”
Ano ba ang nami-miss niya nang sobra sa labas?
Wika niya, “Nakaka-miss na po ‘yung gumagala kami kasama ang family po and mga kaibigan po, dahil halos tatlong buwan na rin po kaming nasa bahay lang, kaya nakaka-bore po nang sobra.”
Lastly, gaano ka-effective at helpful sa kanilang family ang mga CN Halimuyak products ng CEO nitong si Ms. Nilda Tuason, lalo na ngayong may Covid19?
Pahayag ni Klinton, “Sobrang effective po dahil alam naman natin na hanggang ngayon po wala pa ring gamot para sa Covid. Kaya po nakatutulong nang sobra ang mga product from CN Halimuyak Pilipinas, dahil po tinutulungan po kaming maging mas malinis at higit po sa lahat, safe at malayo po sa mga virus na tulad ng Covid19, na kumakalat ngayon.”
ALAM MO NA!
ni Nonie Nicasio
