Angel, durog na durog ang puso—Sana masarap ang tulog ninyo

HINDI napigilan ni Angel Locsin na hindi maglabas ng saloobin sa mga natutuwa at nagdiriwang sa pagsasara ng ABS-CBN.

Aniya, “Sa lahat ng nagmamagaling at nagsasabi na ‘buti nga nagsara ang ABS’, sana masarap ang tulog ninyo ngayon gabi at nakapagbayad na ng bills.

 Sana rin masarap rin ang mga napamalengke ninyo na ipapakain sa inyong pamilya. Sana walang magkasakit na kailangan ipagamot at gastusan.”

Matulungin si Angel sa mga nangangailangan dahil ramdam niya kung paano ang mangailangan kaya durog na durog ang puso niya habang pinanonood ang huling episode ng TV Patrol nitong Martes ng gabi.

Tahimik at tumutulo ang luha ng aktres habang nakahiga at pinanonood sa kanyang cellphone ang kaganapan sa Kapamilya Network at isa-isang binabasa ang mga komento.

Hindi naman nagustuhan ng kanyang fiancé at film producer na si Neil Arce ang senaryo at kinunan niya ng litrato ang aktres.

“Breaks my heart seeing her like this. Angel didn’t renew her contract, so technically she did not lose her job. She’s been crying non-stop since she saw The News online because she knows 11,000 people lost their jobs.

“We’ve been under ECQ for 2 months now trying to save lives. Wala pang 10,000 ang may COVID dito pero ngayon 11,000 na tao ang mawawalan ng trabaho at milyong milyon na Pilipino ang hindi makakatanggap ng quick Information and konting kaligayahan sa mga panahon na ito.

“NTC you are evil. How dare you take away 11,000 jobs. We Will remember this.”

 

 

FACT SHEET
ni Reggee Bonoan