HATAW! D'yaryo ng Bayan hatawtabloid.com
WALANG dapat ipag-alala ang publiko sa kalagayan ng kalusugan ngayon ni Pangulong Rodrigo Duterte.
Sinabi ni senator Christopher “Bong” Go na so far ay maayos ang kalusugan nila ng Pangulo.
Mula aniya nang sumailalim sila sa COVID-19 test, wala namang nararanasang ano mang sintomas ng sakit ang Pangulo tulad ng sipon, ubo, lagnat o pananakit ng lalamunan.
Gayonman, inamin ng senador na siya ay may sipon.
Hindi aniya ito dapat ikabahala dahil kaya naman ng kaniyang katawan at wala namang nararanasang iba pang sintomas.
Ayon kay Go, gusto sana niyang mag-basketball ngunit mahigpit ang pagpapatupad ng social distancing kaya bawal muna ang may makalaro.
Sina Pangulong Duterte at Go ay parehong night persons o sa gabi gising at aktibo at ang pahinga ng pangulo pangkaraniwan ay sa umaga.
(ROSE NOVENARIO)
