Social distancing, no touch policy mahigpit na ipatutupad sa Pangulo

MAHIGPIT na ipinatu­tupad ng Presidential Security Group (PSG) ang “no touch policy” at pananatilihin  ang 10-meter distance sa pagitan ni Pangulong Rodrigo Duterte at ng audience sa mga pagtitipon na kan­yang dadaluhan.

Para sa mga pri­badong functions at meetings, tanging ang mga nagpasuri at negatibo sa COVID-19 ang papayagang lumapit sa Pangulo.

Ang mga tao na hindi pa nagpapasuri ay dapat magkaroon ng anim na talampakan o dalawang metrong distansiya mula sa Pangulo.

Sinabi rin ng PSG na mayroon nang organi­sadong medical teams at quarantine sites ang nakaposisyon sa Mala­cañang Complex.

Regular na isinasa­gawa ng PSG personnel ang sanitation at dis­infection sa PSG com­pound at Malacañang Complex kasama ang mga katabi nitong gusali at pasilidad.

May  ilang PSG per­sonnel na naka-face­mask, ang nagsasagawa ng temperature check sa lahat ng mga bisita.

Required  sa lahat ng mga bisita ang pag-fill up sa declaration form na tinatanong ang lahat ng detalye sa kalu­sugan at mga lugar na binisita ng isang indibidwal.

(ROSE NOVENARIO)