HATAW! D'yaryo ng Bayan hatawtabloid.com
OVERWHELM ang tamang termino sa naramdaman ni Diane de Mesa nang sumalang sa Wow, Ang Showbiz sa Radyo Inquirer ni Ms. F. (Fernan de Guzman). Parte ito ng kanyang album promo tour sa nagawang apat na album na siya ang nag-produce at kumanta ng kanyang mga komposisyon na kasama sa album.
Sa totoo lang, pagkalipas ng 21 years ngayon lamang siya nakabalik sa Pilipinas at gaya ng nasabi namin, sa kanyang pagbabalik ay dala ang apat na album para ibahagi ang kanyang talento sa musika.
Masayang natapos ang guesting ng Princess of Love songs na nanggaling pa sa Bay Area, California, USA at lalong naging masaya nang imbitahan sa 11th PMPC Star Awards for Music.
Sobrang matagumpay ang katatapos na Star Awards for Music 2020.
Puwedeng hindi pa siya kilala ng mga naroon pero umani siya ng palakpakan dahil maganda ang kinanta niya na sariling komposisyon, ang Miss Na Miss Kita na isang malaking hit sa ating mga kababayan sa Amerika.
Well, sa magandang kinalabasan ng kanyang album promo tour, puwedeng bumalik ito sa susunod na taon para mag-concert at para mag-promote uli ng ikalimang album na nasimulan na.
STARNEWS UPLOAD
ni Alex Datu
