Malls papanagutin sa sasakyang napinsala sa parking

MATAPOS mabiktima si ACT-CIS Party-list Rep. Nina Taduran ng basag kotse gang sa SM Sta. Mesa, ipinanukala ni Bagong Henerasyon Rep. Bernadette Herrera Dy sa Kamara na linawin ang responsibilidad ng nga establisimiyento sa kanilang customers.

Sa  House Bill 3215 na inihain ni Herrera, dapat ma-regulate at maging malinaw ang patakaran sa pay parking areas.

“While there are available parking spaces, safety measures are often undermined despite the imposition of costly fees. With the amount of collected payments, establishments must be responsible for the vehicles and the belongings inside the vehicle,” ani Herrera.

Inilinaw sa panukala ni Herrera, hindi maaaring itanggi ng carpark operator ang pananagutan sa sasakyan na maaaring masira o manakawan.

Karamihan sa mga carpark ay nagpapaskil ng babala o paunawa na hindi nila pananagutan ang ano mang sira o pagnanakaw na mangyari sa mga sasakyan na naka park doon.

Nakasaad din sa panukala na magkakaroon ng standard operating procedure sa parking space.

“Varied parking regulations of different cities and establishments cause confusion to the people. For the interest of the general public, the state shall prioritize public welfare and work towards creating a standard for establishments to follow,” ani Herrera sa panukala.

(GERRY BALDO)