HATAW! D'yaryo ng Bayan hatawtabloid.com
UMABOT sa mahigit na 42k ang nag-like nang i-post ni Julia Montes sa kanyang Instagram account ang poster ng pelikula ni Coco Martin na 3Pol Trobol: Huli Ka Balbon na entry ng aktor sa 2019 Metro Manila Film Festival.
Matatandaang unang ipinost ni Julia ang larawan ni Coco noong batiin niya ito sa nakaraang kaarawan, Nobyembre 1.
Iisa ang nasabi ng mga nakapuna ng posts ni Julia, “mukhang okay na ulit sina Coco at Julia kasi nagpo-post na si Juls, eh.”
Sa pagkakaalam naming, in speaking terms naman sina Coco–Julia at hindi lang ito ipinamamalita pa para hindi na gawan ng isyu.
Pero may nagtanong naman din, “paano si Yassi (Pressman)).”
Binalikan namin ng tanong, ‘anong bakit paano? Sila ba ni Coco?’
“Hindi mo ba alam? Kaya nga muntik mapaaway si Coco sa nakaraang ABS-CBN Ball kasi may gustong makipag-sayaw kay Yassi sumama tingin ni Coco?”
‘Yan ang wala kaming alam na may ganoong senaryo pala sa nasabing ball. Anyway, baka kasi kapag may kasamang ibang lalaki ang girl, dapat hindi na ito pinakikialaman o niyayayang sumayaw kahit pa magkakilala kayo.
“News black out ‘yun,” sabi pa sa amin ng mismong taga-ABS-CBN.
Oh well, hindi naman kami magtataka kung hindi nga ito naibalita dahil tiyak na hindi rin ito inilabas ng news at kung sakaling nakunan nila ay hindi nila ito ieere.
Going back to 3Pol Trobol, iisa ang sabi ng lahat, “level-up ang kuwento ng ‘3Pol Trobol’ dahil maraming karakter dito si Coco na gugustuhin ng lahat.”
Ang nasabing pelikula ay idinirehe ni Coco Martin, siya rin ang nagsulat, nag-produce, at artista.
FACT SHEET
ni Reggee Bonoan
