Laban sa kahirapan… Family planning palalakasin — NEDA

PALALAKASIN ng pamahalaan ang family planning program kasabay ng  pagsisikap na mapababa pa ang antas ng kahirapan sa bansa.

Ayon kay National Economic and Development Authority (NEDA) Chief Ernesto Pernia, sadyang napa­bayaan ang naturang kampanya ng gobyerno na unang inilunsad noong 1969 at natigil noong late 70s.

Sinabi ni Pernia, naging malaki ang epekto ng hindi pag­kakasustina ng naturang programa sa sitwasyon ng kahirapan sa bansa hindi katulad ng Indonesia at Thailand na nagsimula naman ang family planning program noong 1970.

Hanggang ngayon ayon sa Kalihim ay naririyan pa rin at hindi binitiwan ng Thailand at Indonesia ang nasabing programa dahilan upang higit na mababa ang poverty incident sa kanila.

Ang kailangan, aniya, ngayon ay isang honest to goodness na programa sa pagpa­plano ng pamilya na ikakasa ng pamaha­laan matapos na ito’y ma­pabayaan sa mga na­karaan.

ni ROSE NOVENARIO