Julio Cesar, muling nagpaiyak sa Guerrero Dos

NAPANOOD namin ang pelikulang Guerrero Dos…Tuloy Ang Laban mula sa EBC Films sa advance screening nito na ginanap kamakailan.

Bida sa pelikula sina Genesis Gomes at Julio Cesar Sabernorio na gumaganap bilang magkapatid. In fairnes, nagustuhan namin ang pelikula, maganda ang istorya, at ang husay-husay ni Julio bilang si Miguel. Marami siyang eksena sa pelikula na nadala kami na napaiyak kami.

Naging Best Child Performer si Julio sa Star Awards For Movies last year dahil din sa hindi matatawarang galing na ipinamalas niya sa part 1 ng Guerrero.

Dito sa Guerrero Dos posibleng mag-uwi rin siya ng Best Child Performer mula sa iba’t ibang award giving bodies.

Produkto ng broken family si Julio. Kaya mahusay siyang umarte dahil may pinaghuhugutan.

MA at PA
ni Rommel Placente