Gov’t offices half day ngayon

NAGDEKLARA ang Palasyo ng suspensiyon ngayon sa trabaho sa gobyerno, 31 Oktubre 2019 simula 12:00 ng tanghali.

Batay sa memo­ran­dum circular 69 na nilag­daan ni Executive Secre­tary Salvador Medialdea, binibigyan ng pagka­kataon ng Malacañang ang mga manggagawa na makapaghanda sa pag­gunita sa All Saints’ Day sa 1 Nobyembre at Undas sa 2 Nobyembre dahil marami ang magsisi­uwian sa kanilang pro­binsiya para sa panahong ito.

Gayonman, tuloy ang trabaho ng mga nasa tang­gapan na may kinalaman sa pagbi­bigay ng basic health services, pre­paredness/response team para sa kalamidad o iba pang serbisyo na nanga­ngailangan ng agarang operasyon.

Ipinauubaya ng Malacañang sa mga pinuno ng pribadong eskuwelahan at kom­panya ang suspensi­yon ng eskuwela o trabaho.

(ROSE NOVENARIO)