ASG huli sa Parañaque

INARESTO ng Southern Police District (SPD) at National Bureau of Investigation (NBI), ang isang pinagsu­suspetsa­hang miyembro ng Abu Sayyaf Group (ASG) sa Parañaque City, kama­kalawa.

Kinilala ang akusadong si Haber Baladji, alyas Ama­ma, nasa hustong gulang, sinabing isa sa mga kasapi ng ASG.

Sa ulat ng Southern Police District (SPD), nagsagawa ng intelligence driven operation ang mga tauhan ng District Intel­ligence Division ng SPD at Counter Terrorism Division ng NBI, Naval Intelligence and Security Group (NISG), at Parañaque City Police, laban sa ASG wanted person sa panulukan ng Russel Avenue at Roxas Boulevard sa nasabing lungsod, dakong 8:15 am.

Hinuli si Baladji sa bisa ng warrant of arrest na inisyu ni Pasig Regional Trial Court (RTC) Branch 266 Judge Toribio Ilao para sa six counts kidnapping at serious illegal detention.

Walang inirekomendang piyansa ang korte para sa pansamantalang paglaya ng suspek.

Dinala ang suspek sa tanggapan ng CTD-NBI sa Maynila para sa kustodiya ng suspek.

(JAJA GARCIA)