HATAW! D'yaryo ng Bayan hatawtabloid.com
INIREKLAMO ng isang masahista at sinampahan ng kasong acts of lasciviousness sa himpilan ng pulisya ang isang pulis na nambastos sa isang massage parlor kamakalawa ng hapon, 28 Oktubre sa lungsod ng Balanga, lalawigan ng Bataan.
Kinikilala ang suspek na si P/Cpl. Robin Mangada, nasa hustong gulang, at kasalukuyang nakatalaga sa Abucay Municipal Police station.
Ayon sa ulat, dakong 2:40 pm nang magpamasahe si Mangada sa biktimang kinilalang si Monnina Thea Mendoza, 19 anyos, residente sa bayan ng Samal at isang massage therapist ng Yuan Spa sa Bgy. San Jose, sa lungsod ng Balanga.
Habang nakatihaya at minamasahe ng biktima sa hita si Mangada ay itinaas ang boxer short pants nito sabay dakma sa kaliwang kamay ng dalaga at pinahawak umano sa kanyang ari.
Kasalukuyan nang pinaghahanap ng kaniyang mga kabaro ang suspek na pulis dahil sa pangmomolestiya sa masahista.
(RAUL SUSCANO)
