HATAW! D'yaryo ng Bayan hatawtabloid.com
SINALAKAY ng mga awtoridad ang isang hotel na ginagawang sexual activities kung saan 35 babaeng Chinese national’s na pawang sex workers ang nasagip, 21 lalaking kustomer na kanila rin kababayan at 10 empleyadong Filipino ang hinuli sa Makati City kamakalawa ng gabi.
Sa ulat ni Makati City Police Chief Col. Rogelio Simon, naaresto ang mga suspek sa ikinasang entrapment operation sa 9th Floor, (Showroom), 10th Floor at Penthouse sa MAXX Hotel, Makati Avenue, Bgy. Poblacion, Makati City dakong 1o:00 pm.
Ayon kay Simon, nakatanggap sila ng impormasyon kaugnay sa nagaganap na sexual activities sa naturang hotel na kinasasangkutan ng Chinese nationals.
Bumuo ng team ang hepe ng Makati Police para salakayin ang naturang hotel at dito naabutan ang mga babaeng Chinese nationals na pawang sex workers at mga kababayan din nila ang kanilang kustomers.
Sinabi ni P/Col. Simon, ang mga lalaking dayuhan ay nagtratrabaho sa Philippine Offshore Gaming Operator (POGO).
Napag-alaman, isinasagawa ang transaksiyon sa pamamagitan ng mobile application na “We Chat” na ginagamit sa booking para magkaroon ng customer kung saan idinaraos ang sex sa den.
Bukod dito nasa P20,000 hanggang P45,000 ang sex service kada isang oras na ginagawa sa isang VIP room.
Nakuha mula sa naturang lugar ang assorted sex paraphernalia, costumes, sex toys, sex books at tally board.
Ayon kay Simon, hihilingin nila sa lokal na pamahalaan ng lungsod ng Makati na ipasara ang naturang hotel dahil sa ginagawang sex den ng mga dayuhan at aalamin kung sino ang operator nito.
Sinasabing pang-apat na beses nang sinalakay ng mga awtoridad sa area ng southern Metro Manila ang malalaking establisyemento na iniuulat na ginagawang sex den.
Dinala sa himpilan ng pulisya ang 35 babaeng Chinese nationals, 21 lalaki at 10 empleyado at nakatakdang sampahan ng kasong paglabag sa Republic Act 10364 o Anti-trafficking in Person Act of 2012 sa Makati Prosecutor’s Office.
ni JAJA GARCIA
