Kitty Duterte ligtas na sa dengue

NAGPAPAGALING na si presidential daughter Veronica “Kitty” Duter­te sa sakit na dengue.

Ito ang nabatid kay Presidential Spokesman Salvador Panelo.

Aniya, batay sa nakuha niyang impo­rmasyon sa ina ni Kitty at longtime partner ni Pangulong Rodrigo Duterte na si Honeylet Avanceña, nagpa­paga­ling na ang 15-anyos na presidential daughter.

Kamakalawa ay binista ng Punong Ehe­ku­tibo sa ospital si Kitty, batay sa insta­gram post ng presi­dential daughter ay makikitang nakaupo siya sa hospital bed at kitang nasa likuran niya si Pangulong Duterte.

Nilagyan pa niya ang linyang “with dad­dy shark” ang nasabing video.

Matatandaang ki­nom­pirma ni Senador Chrsitopher “Bong” Go na nagkasakit nga ng dengue si Kitty.

Ito ay kahit pa isa siya sa mga naturukan noon ng kontrobersiyal na dengue vaccine na Dengvaxia.

Una na rin sinabi ni Pangulong Duterte na nagmamadali siyang umuwi mula sa Russia dahil nga nagkasakit ang kanyang bunsong anak.

(ROSE NOVENARIO)