No parking no car bill isinulong ng solons

IPINANUKALA ng ilang mamba­batas ang kinatatakutan ng mga mahilig sa sasakyan: ang pagbabawal sa pagbili ng sasakyan kung wala silang parking para rito.

Ayon kay House deputy speaker, Rep. Raneo Abu, Cavite Rep. Strike Revilla, at Quezon City Rep. Alfred Vargas hindi na puwedeng bumili ng sasakyan kung walang parking.

“The street is pri­marily intended for vehicular or foot traffic and should not be appro­priated as personal parking spaces of these vehicles. Any buyer of a motor vehicle can be presumed to be able to provide  a parking space for his vehicle,” ani Abu.

Sa panig ni Revilla at Vargas, makababawas sa pagdami ng sasakyan sa Metro Manila ang nasa­bing mga panukala.

Sa panukala ng mga nabanggit na mamba­batas, papanagutin ang Land Transportation Office (LTO), ang car supplier o dealer at ang mga may-ari ng sasak­yan, kung mapapa­tuna­yan na wala silang parking.

Kapag naipasa at naging batas ito, may kaakibat na parusa ang mga lalabag dito –  tat­long taong pagkakabi­langgo at multa mula P50,000 hanggang P200,000 sa bawat pagkakataon.

ni Gerry Baldo