‘Baho’ sa PhilHealth pinipigil na sumingaw — Solon

MAY SUMISINGAW, umanong, baho sa Phil­health na pilit itinatago matapos pagbawalan ng ahensiya ang Commission on Audit (COA) na silipin ang mga kanilang mga computer.

Ayon kay Anaka­lusugan party-list Rep. Mike Defensor hinarang ng ahensiya ang COA na busisiin ang P121-bilyong ibinayad uma­no sa mga pa­syente noong naka­raang taon.

“May itinatago ba ang Philhealth kaya ayaw ipa-access sa COA ang kanilang computer?” tanong ni Defensor.

Ayon kay Defensor, nabigo ang  COA na buk­san ang records ng ahen­siya patungkol sa mga ibinayad sa mga doctor at ospital kung saan nagpa­gamot ang mga  miyem­bro.

Ayon kay Defensor, mahalagang malaman ang tunay na pinagka­gastusan ng malaking halagang ito.

“Hindi ko maialis sa akin o sa ibang tao na magduda dahil kung wala kayong itinatago, dapat iopen n’yo ‘yan sa COA. Pero bakit ayaw nilang ipa-access sa COA ang kanilang computer,” ani Defen­sor.

Binanggit ni Defensor, ang nakaraang reports na nagbayad ang Philhealth sa isang clinic para sa isang pasyenteng patay na.

Nagpaplano si Defen­sor na paimbestigahan ito sa Kamara.

Aniya, ang Congres­sional Oversight Com­mittee ay maaaring mag-imbestiga at mag-utos na buksan ang records ng ahensiya.

(GERRY BALDO)