Martial law, nakaamba sa Negros Oriental

NAGBABALA ang Pa­la­syo na magdedeklara ng martial law para wakasan ang luma­lalang karahasan sa Negros Oriental.

Ayon kay Presi­den­tial Spokesman Salvador Panelo, puno na si Pa­ngu­long Rodrigo Duter­te sa mga karahasang inihahasik ng New People’s Army (NPA) sa lalawigan ng Negros Oriental.

Ikinokonsidera aniya ni Pangulong Duterte na gamitin ang kanyang emergency powers, kasa­ma ang martial law, para mawa­kasan ang gulo na kagagawan ng rebeldeng grupo sa lalawigan.

Ayon kay Panelo, sinamantala ng mga rebeldeng komunista ang nagaganap na land dis­pute sa Negros at  inaring parang kanila na ang probinsiya.

Mistulang sila aniya ang nagpapasiya sa kung sino-sino ang da­pat na magmay-ari ng mga lupain sa lalawi­gan.

Nauna rito’y itinaas ng Pangulo sa P5 milyon ang reward money sa sinomang makapag­tuturo sa mga pumatay sa apat na pulis sa Negros.

(ROSE NOVENARIO)