P1-M patong sa ulo vs ‘killer’ ng 4 pulis sa Negros Oriental

NAG-ALOK ng P1 milyong pabuya si Pangulong Rodrigo Duterte sa sinomang makapagbibigay ng impormasyon para sa ikadarakip ng mga responsable sa pamamaslang sa apat na pulis sa Barangay Mabato, Ayungan, Negros Oriental.

Ayon kay Presidential Spokesman Salvador Panelo, bumisita kamakalawa ang Pangulo sa burol ng apat na napatay na pulis at nakidalamhati sa mga naulilang pamilya.

Nagsagawa ng command conference ang Pangulo sa militar at pulisya upang mabatid ang update sa imbestigasyon sa insidente.

Ani Panelo, titiyakin ng Palasyo na mabibigyan ng hustisya ang sinapit ng apat na pulis.

Batay sa ulat, tinambangan ng mga rebeldeng New People’s Army (NPA) ang apat na pulis.

(ROSE NOVENARIO)