Executive judge nanakawan sa fitness gym

UMABOT sa halos daan-libong cash, alahas, kabi­lang ang credit card, at mahahalgang dokumento ang nakuha mula sa isang hukom ng Taguig Regional Trial Court (RTC) habang nagwo-workout sa isang kilalang fitness gym sa isang malaking mall sa Pasay City.

Nagtungo ang bik­timang si Judge Bernard Bernal, 41, binata, Exe­cutive Judge ng Taguig RTC.

Ayon kay P/Maj. Wilfredo Sangel, hepe ng Station Investigation and Detective Management Branch (SIDMB) ng Pasay City Police, nata­ngay ang mahahalagang bagay na pag-aari ng nasabing biktima na kinabibilngan ng men’s wallet na nag­kakahalaga ng P18,000, dalawang singsing na nagka­kahalaga ng P275,000, P40,000 cash money, driver’s license, credit card mula sa Bank of Commerce, at isang IBP Card.

Sa report  ng pulisya, naganap ang insidente sa pagitan ng 3:45 at 5:04 pm sa Fitness First Club na matatagpuan sa Mall of Asia (MOA) Complex, Pasay City.

Mag-i-excercise ang biktima sa naturang gym kaya inilagay niya sa kanyang locker ang mga gamit at pera at ini-lock sa pamamagitan ng locker card.

Matapos makapag-workout  nagtungo ang biktima sa kanyang locker at dito nadiskubre na bukas na ito at nawawala na ang kanyang mga gamit.

Kaagad ini-report ng biktima sa management ang pangyayari, saka ini-report sa pulisya.

Patuloy na nagsa­sagawa ng imbestigasyon ang Pasay police kaug­nay sa insidente.

 (JAJA GARCIA)