Tuesday , March 18 2025
NAGLABASAN ang mga estudyente at mga guro ng Araullo High School sa Ermita, Maynila nang maramdaman ang 6.1 magnitude na lindol sa Metro Manila kahapon dakong 1:28 pm na nagdulot ng pagsisikip ng trapiko nang maglabasan ang mga tao sa kanilang gusali dahil sa takot. (BONG SON)

MMDRRMC hinikayat makiisa sa 5th Metro Manila Shake Drill

INATASAN ng Metro­politan Manila Develop­ment Authority (MMDA) ngayong araw ang mga miyembro ng Metro Manila Disaster Risk Reduction and Manage­ment Council (MMD­RRMC) na makiisa sa ika-5 Metro Manila Shake Drill sa pamamagitan ng pagsasagawa ng iba’t ibang scenario at table-top exercises para maihanda ang publiko sa posi­bilidad ng lindol.

Hinimok ni Michael Salalima, concurrent Chief of Staff ng MMDA Office of the General Manager at Focal for Disaster Risk Reduction and Management, ang mga DRRM officers na kombinsihin ang priba­dong sektor at mga non-government organizations na kanilang nasasakupan para makita ang kanilang kakayahan sakaling gabi mangyari ang sakuna.

“Kasunod ng direk­tiba ni MMDA Chairman Danilo Lim, ang shake drill para sa taong ito ay magiging multi-sectoral, multi-level, at regional-wide. Sa kauna-unahang pagkakataon, aasahan natin ang mas malaking partisipasyon ng mga nasa pribadong sektor,” ani Salalima sa MMD­RRMC meeting na isina­gawa sa MMDA head­quarters ngayong araw.

Upang ihanda ang Metro Manila sa anomang maaaring mangyari, gagawin ang mga napag­kasunduang scenarios at rehearsal simulation para sa isang malakas na lindol.

Kasama rito ang pan­samantalang pagka­antala ng suplay ng tubig, koryente, at linya ng komunikasyon, buil­ding evacuation, pagbibi­gay ng first aid sa mga sugatang biktima, pag­patay ng sunog, at pagsalba sa mga na-trap.

“Gagawing eva­luation tools ang mga scenario at gagawin itong makatotohanan,” ani Salalima.

Hindi gaya ng mga nakaraang drill, hindi na naka-preposition ang mga equipment at tau­han sa mga quadrant sa apat na sektor – North, East, West, at South.

Makikita sa nasabing drill kung paano gagawin ng MMDA, iba pang ahensiya ng gobyerno, at lokal na pamahalaan ang kanilang contingency plans.

Para sa pribadong sektor, makikita ang kani­lang business continuity plans sa kabila ng mga sakuna.

Ayon sa MMDA of­ficial, hiningi na rin ang partisipasyon ng Philip­pine Disaster Resilience Foundation (PDRF) at National Resilience Council para mahimok ang kanilang mga mem­ber businesses na makiisa sa drill.

Base sa pag-aaral, mas marami ang magi­ging casualty sa gabi kompara sa araw kung kailan nasa mga paaralan at opisina ang karamihan.

Uumpisahan ang drill sa ganap na 4:00 am sa 27  Hulyo sa pamama­gitan ng pagpapatunog ng alarm na maghu­hudyat ng pagsisimula ng aktibidad.

(JAJA GARCIA)

About Jaja Garcia

Check Also

TRABAHO Partylist, may malasakit sa mga kababaihang nasa laylayan ng lipunan

TRABAHO Partylist, may malasakit sa mga kababaihang nasa laylayan ng lipunan

MULING pinagtibay ng TRABAHO Partylist ang kanilang pangako na tugunan ang mga sistematikong balakid na …

Para sa mga bomber TRABAHO Partylist, nanawagan ng mas mataas na sahod at maa

Para sa mga bombero
TRABAHO Partylist, nanawagan ng mas mataas na sahod at maayos na kondisyon sa trabaho

NGAYONG paggunita ng Fire Prevention Month sa buwan ng Marso, nanawagan ang TRABAHO Partylist para …

FPJ Panday Bayanihan partylist

Proteksiyon sa Frontliners hangad ng FPJ Panday Bayanihan partylist

ISUSULONG ng FPJ Panday Bayanihan partylist ang Good Samaritan Law upang tiyakin ang proteksiyon para …

TRABAHO Partylist

TRABAHO Partylist pabor sa mandatory 30% local output para sa PH-made vehicles

IDINEKLARA ng TRABAHO Partylist ang kanilang suporta sa iminungkahing magkaroon ng mandatory 30% local output …

Arrest Shabu

Higit P1.2-M shabu nasamsam, 2 armadong tulak tiklo sa Bulacan

SA KAMPANYA laban sa ilegal na droga at baril, naaresto ng pulisya ang dalawang hinihinalang …

Leave a Reply

Your email address will not be published. Required fields are marked *