Pirmado na ng Pangulo… Batas sa 20% student discount inilabas na

MAY 20 porsiyentong diskuwento ang lahat ng estudyante sa lahat ng uri ng tran­spor­tasyon alinsunod sa Student Fare Discount Law na nilagdaan ni Pangulong Rodrigo Duterte.

Batay sa sa Republic Act 11314 o Student Fare Discount Act, maka­kukuha ng 20 percent discount ang mga es­tudyante sa pasahe bas­ta’t tiyakin na may maipipresentang iden­tification card o enrolment form.

Kasama sa discount ang public utility bus, mga jeepney, tricycle taxi, eroplano at mga barko.

Saklaw din ng dis­kuwento sa bagong batas ang weekends at holi­days.

Labing limang pisong multa at kanselasyon ng certificate of public con­venience ang maaring kakaharapin ng mga may-ari ng pampu­bli­kong sasakyan kapag hindi tumalima sa batas.

Noong 17 Abril, nilag­daan ng pangulo ang ba­tas ngunit ngayon lamang inilabas ng palasyo ang dokumento hinggil dito.

May nakalaang pa­ru­sa para sa mga estu­dyante na gagamit ng mga pekeng ID para makakuha ng discount sa pasahe.

(ROSE NOVENARIO)