Walang iskuwater sa sariling bayan — Sen. Bong Go

HANGARIN ito ni Sen. Christopher “Bong” Go para sa mga Filipino kaya naghain siya ng panukalang batas na tatapos sa dumaraming bilang ng squatter o informal settlers sa bansa.

Sa pamamagitan ng National Housing Deve­lopment Production and Financing bill, target niyang mapagkalooban ng sariling bahay ang mahihirap sa mahabang panahon ay walang mata­tawag na sariling tirahan.

Ipinaliwanag ni Go, batay sa naturang panu­kalang batas, ilang op­siyon ang kanyang inila­tag para maka­benepisyo ang mga kinauukulan para magkaroon ng sariling bahay.

Una na rito ang pagpayag ng may-ari ng isang pribadong lupa na ibenta ang kanyang ari-arian na ipi- finance o gugugulan naman ng  Community Mortgage Program o CMP para tayuan ng murang paba­hay ng pamahalaan.

Nakapaloob sa panukala ang pagbuo ng asosasyon ng mga informal settlers at mula roon ay makabalangkas ng pamamaraan kung paano mababayaran nang madali ang lupain kung saan nakatirik ang kani­lang pamamahay.

Dagdag ni Go, nakausap na rin niya ang National Housing Authority tungkol kan­yang panukalang batas at mula rito’y nata­lakay na kung paano mapag­kakalo­oban ng murang paba­hay ang mga Fili­pino na hang­gang nga­yon ay wala pang sariling tahanan.

(ROSE NOVENARIO)