Ex-parak Itinumba ng tandem

ITINUMBA ang isang dating miyembro ng Philippine National Police (PNP) nang pagbabarilin ng dalawang suspek na nakamotorsiklo sa Pasay City, nitong Sabado.

Maraming tama ng bala sa iba’t ibang bahagi ng katawan ang tumapos sa buhay ng biktimang si Darwin Cruzin, 44, dating PNP member, ng Tramo, Barangay 64, Pasay City.

Inaalam ng awtoridad ang pagkakakilanlan ng dalawang lalaking suspek na magkaangkas sa scooter pero hindi napla­kahan.

Sa ulat ng Pasay City Police, naganap ang pamamaril dakong 3:45 pm sa A. Arnaiz Avenue malapit sa panulukan ng  Zamora Street, harapan ng Jollibee, Bgy. 60, Zone 7 sa lungsod.

Sa imbestigasyon, minamaneho ng biktima ang kanyang tricycle sa Arnaiz Ave., nang sumul­pot sa kanyang likuran at paulanan ng bala ng motorcycle riding-in-tandem suspects na agad niyang ikinasawi.

Dali-daling tumakas ang mga suspek patungo sa Edison St., Makati City matapos ang pana­nak­sak.

Narekober ng mga pulis sa pinangyarihan ang isang basyo ng hini­hinalang cal. 45 at isang pirasong slug.

Dinala ang labi ng biktima sa Veronica Funeral Homes para sa awtopsiya.

Nagsasagawa ng masusing imbestigasyon at follow-up operation ang awtoridad sa nasa­bing kaso.  (J.GARCIA)