Duterte wala sa ospital — Panelo

“I DARE tell you guys to check all the rooms in cardinal.”

Ito ang text message ni Honeylet Avanceña, long time partner ni Pangu­long Rodrigo Duter­te, sa mga mama­mahayag kahapon bilang tugon sa ulat na isinugod sa Cardinal Santos Medical Center sa San Juan City kamakalawa.

Ngunit ayon kay Presidential Spokesman Salvador Panelo, nakau­sap niya ang Pangulo at hindi kinompirma o itinanggi na naospital siya.

“The President is in his residence at the Palace signing papers. I just talked to him, he is neither confirming nor denying that he went to the hospital,” ani Panelo.

Nagpadala ng mga larawan kasama ang Pangulo sa Presidential residence sa Bahay Pa­nga­rap kahapon si dating Special Assistant to the President Bong Go.

Muling naungkat ang kalagayan ng kalusugan ng Pangulo dahil anim na araw na siyang hindi nakikita ng publiko.

Huli siyang nakita, nang bumoto sa Davao City nitong Lunes, 13 Mayo 2019.

(ROSE NOVENARIO)