Not-so-young actor, naibenta ang kotse dahil sa pagkakatengga ng career

KAWAWA naman itong isang not-so-young actor (NSYA) dahil naghihirap na pala siya. Naibenta na niya ang kanyang kotse sa kawalan ng trabaho.

Noong imbitahan siya sa isang event for free, dahil malapit naman niyang kaibigan ang nag-invite, at isa naman itong charity event ay tumanggi siya. Sabi niya, gusto naman daw sana niyang pumunta, kaso malayo ang tinitirhan niya, wala na raw siyang kotse, at malaki raw ang magagastos niya kung magta-taxi siya.

Nagulat daw ang kaibigan ni NSYA sa sinabi nito. Tanong niya rito, nasaan na ‘yung kotse? Sagot ni NSYA, ibinenta na raw niya dahil walang dumarating na project sa kanya ngayon, kaya naubos na ang kanyang ipon.

Gulat na gulat ang kaibigan ni NSYA sa kanyang narinig. Nangako na lang ito na ‘pag may event siya na may talent fee, ay lagi niyang kukunin si NSYA.

Sino ang bida sa aming blid item? Mahusay siyang umarte, In fact, isa siyang award-winning actor. Kaya lang, dahil nga sa pagiging pasaway niya, kaya wala nang kumukuha sa kanya. Tengga ang kanyang career.

(Rommel Placente)