Mahinang pundasyon ng Chuzon supermarket sinisi ng pangulo

HINDI sapat ang punda­syon ng Chuzon Super­market dahil dalawang  palapag lamang dapat ito ngunit ginawang apat na palapag.

Ito ang sanhi nang pagguho ng naturang establisimyento, batay sa inisyal na ulat kay Pangulong Rodrigo Duterte ni Interior Secre­tary Eduardo Año sa ginanap na briefing sa kapitolyo ng Pampanga kahapon.

Inatasan ni Pangu­long Duterte ang pulisya at DPWH na imbesti­gahan ang mga respon­sable sa depektibong gusali.

Ipinasara ni Pangu­long Duterte ang apat pang sangay ng Chuzon Supermarket para sa gagawing structural inspection ng mga awtoridad.

Tiniyak ni Health Secretary Francisco Duque na sagot ng DOH ang gastos sa lahat ng mga nasugatan habang pinansiyal na ayuda at food packs ang ipinagka­loob ng DSWD at pama­halaang panlalawigan ng Pampanga.

Iniulat ng Department of Education na may 180 paaralan ang napinsala ng lindol kahapon.

(ROSE NOVENARIO)