Inspeksiyon sa gov’t buildings, infras iniutos ng MMDRRMC

INATASAN kahapon ng Metro Manila Disaster Risk Reduction and Management Office (MMDRRMC) na magsa­ga­wa ng inspection sa mga gusali at infrastruc­tures na pag-aari ng gob­yer­no dahil sa nangyaring pagyanig ng magnitude 6.1 tectonic earthquake na tumama sa Luzon kabi­lang ang Metro Manila nitong Lunes nang hapon.

Sa  isang memo­ran­dum na ipinalabas ni Metropolitan Manila Development Authority (MMDA) Chairman Danilo Lim, concurrent head ng  MMDRRMC, ina­ta­san niya ang mga miyem­bro ng naturang tanggapan  at local disas­ter risk reduction and management councils, na magsagawa ng inspection sa lahat ng government structures sa buong  Metro Manila.

“You are hereby direc­ted to conduct inspec­tion of all govern­ment buil­dings and infras­tructures in your respective areas of res­ponsibility,” nakasaad sa memorandum ni Lim.

Kaagad din ipinasu­sumite ni Lim ang inspec­tion reports  sa  MMDRRMC Secretariat.

Inatasan ng MMDA Chief, na magsagawa ng post-earthquake building inspection sa  MMDA headquarters building sa Makati City para ma-check  kung mayroon itong damage matapos ang lindol.

Nagtalaga rin si Lim ng 10 personnel mula sa  Public Safety Division para tumulong sa  search at  rescue operations sa Porac, Pampanga,  isa sa mga lugar na  labis na naapektohan ng lindol.

(JAJA GARCIA)