2019 nat’l budget aprobado bago Semana Santa

INAASAHANG mala­lag­daan ni Pangulong Rodrigo Duterte ang 2019 pambansang budget sa loob ng linggong ito o sa susunod na linggo, bago ang Semana Santa.

Ito ang sinabi ni Cabinet Secretary Karlo Nograles sa harap nang patuloy na paggamit ngayon ng pamahalaan sa reenacted budget ng 2018.

Sa isang panayam sa Malacañang, sinabi ni Nograles na isinasapinal na lamang ito.

Kasabay aniya ng pagpirma ng Pangulo sa 2019 pambansang budget ay ilalabas ng Palasyo ang budget message o veto message ng pangulo.

Ayon kay Nograles, hindi hahayaan ni Pangu­long Duterte na mag-lapse into law ang pam­bansang budget nang hindi inaaksiyonan.

Isa sa nakikita ni No­grales na magiging impli­kasyon ng pagkaantala ng 2019 national budget ay pagkakapatong-pa­tong ng mga nakalinyang proyekto ng gobyerno na susustentohan, at ang mga papasok na bagong proyekto na popondohan naman ng 2020 panu­kalang pambansang budget.

Ayon kay Nograles, maganda sana ang kahi­hinatnan kung mas maraming proyektong maisasalang sa susunod na taon sa ilalim ng dala­wang pambansang bud­get na magpapang-abot, dahil mangangahulugan ito ng mas maraming Pinoy na mabibigyan ng trabaho.

Gayonman, nakapag-aalala rin aniya na baka sa dami ng mga proyekto, ay ‘mabulunan’ naman ang bansa.

(ROSE NOVENARIO)