Young actor, pinanggigigilan ng mga gym mate

KINAIINISAN pala ang young actor na ito ng kanyang mga gym mate.

The moment kasi he steps into a popular fitness center ay parang hangin lang siyang dumaan. Ni hindi raw siya ngumingiti para bumati.

At kapag may natabig daw siyang kapwa nag-eehersisyo ay deadma lang siya.

Lingid sa kaalaman ng aktor na ‘yon ay makahulugang nagtatapunan ng mga tingin ang mga nakapaligid na gym mates niya, na sila-sila na siyempre ang nagkakaintindihan.

Resbak ng mga ito, mabuti raw sana kung super sikat ito at napakagaling umarte.

“Kaya tuloy nabugbog noon, eh, maangas kasi!” ang pagtataray ng isa niyang gym mate na gusto na ring sampolan ito ng umbag.

Da who ang aktor na itey? Itago na lang natin siya sa alyas na Kasing-kasing.

(Ronnie Carrasco III)