Memo ni Duterte sinisi ng RMP sa pagpatay sa 14 magsasaka

SINISI ng Rural Missionaries of the Philippines (RMP), ang Memo­randum Circular No. 32 ni Pangulong Rodrigo Duterte na ugat ng pagpas­lang sa 14 magsasaka sa Negros Oriental nitong 30 Marso.

Giit ng RMP, isang organisasyon ng mga layko, pari at madre, ang pagpatay sa 14 magsa­saka ay bunsod ng Memo­randum Circular No. 32 ni Duterte at anila’y nagbigay-daan sa matin­ding militarisasyon sa Negros, Samar, at Bicol.

Mahigpit na kinon­dena ng grupo ang pama­maslang.

“We rebuke this evil and cruel act. The victims were killed mercilessly within earshot of their families. We appeal to the Commission on Human Rights to investigate these incidents and we pray that the perpetrators be held accountable and justice be given swiftly, “ ayon  kay Sr. Elenita Belardo, National Co­ordinator ng RMP.

Kasama sa mga nama­tay na magsasaka ang walong magsasaka mula sa Canlaon City na kabilang ang Avelino brothers na sina Ismael, 53, at Edgardo, 59, ng Sitio Carmen, Barangay Panubigan; Melchor Panares, 67, at ang anak na si Mario, 46, ng Sitio Tigbahi, Barangay Bayog; Rogelio Recomono, 52, at ang anak na si Ricky, 28, ng Sitio Manggata, Bara­ngay Masulog; Gonzalo Rosales, 47, ng Barangay Pula at Genes Palmares, 54, ng Barangay Aquino.

Si Edgardo Avelino ang namumuno ng HUKOM o Hugpong Ku­sog sa Mag-uuma sa Canlaon City.

ni Gerry Baldo