Human settlements department muling binuo ni Duterte

IBINALIK ng adminis­tra­syong Duterte ang isang kagawaran na ma­nga­ngasiwa  sa murang pabahay  para sa mahihi­rap na Pinoy gaya noong panahon ng rehimeng Marcos.

Sa pamamagitan ito ng ipinalabas na Republic Act number 11201 o ang batas na lumilikha sa Department of Human Settlements and Urban Development.

Ang naturang kaga­wa­ran ay dating Ministry of Human Settlements na pinamunuan ni da­ting First lady Imelda Marcos.

Nakapaloob sa batas na tungkulin ng estado na magpatupad ng mga programang pabahay  at urban development para sa mura, disente at maa­yos na resettlement  areas para sa mahihirap at walang bahay nitong mamamayan.

Sa ilalim ng batas  ay pagsasamahin ang tungkulin ng HUDCC at HLURB para sa pagpa­patupad ng mga  govern­ment housing program, at mangangasiwa  sa homeowners association sa mga subdivision pro­ject.

Ang Department of Human Settlement and Urban Development  ay magpapatupad ng single regulatory system para sa mga aktibidad na may kaugnayan sa planning, development, production, marketing at manage­ment ng housing and urban development pro­jects, nang hindi nanghi­himasok sa hurisdiksyon ng iba pang ahensiya ng gobyerno.

(ROSE NOVENARIO)