HATAW! D'yaryo ng Bayan hatawtabloid.com
NAALIW kami sa maraming eksena ng pelikulang Elise na pinagbibidahan nina Enchong Dee at Janine Gutierrez at idinirehe ni Joel Ferrer.
Isa kami sa nakapanood ng special screening ng Elise na ginawa sa Wild Sounds sa Sampaguita Studio kamakailan at kakaiba ngang lovestory ang pelikula.
Ukol sa moving-on ang pelikula na ayon kay Direk Ferrer, matagal na niyang naisulat. Base rin sa real-life events ang Elise na ang istorya ay ukol sa childhood friends na sina Bert (Enchong) at Elise (Janine). Bata pa man ay may gusto na si Bert kay Elise at hanggang sa magbinata at magdala naroon pa rin ang pagmamahal ng binata sa dalaga.
Samantala, naman kataka-takang may pagka-comedy ang Elise dahil ang mga naunang ginawa pala ni Direk Joel ay puro comedy films tulad ng Baka Siguro Yata at Woke Up Like This.
Aminado si Direk Joel na hugot film ang Elise dahil, “noong isinulat ko ito, in-love na in-love ako tapos feeling ko kailangan kong mag-move on. Sabi ko sa sarili ko, paano ako makaka-move on hindi naman ako gumagawa ng diary, kaya to let it go, I’m starting to write the storyline, so noong ginawa ko ito alam ko na ang ending.”
Pagtatapat pa ni Direk Joel,”Ito ‘yung pinaka-attach ako na film kasi malapit sa puso ko, sabi ko nga sobrang in love ako noong sulatin ko ito.”
Sa kabilang banda, bagay na bagay naman sina Enchong at Janine kaya panalo ang chemistry ng dalawa.
Mapapanood ang Elise sa Pebrero 6, Chinese New Year presentation ng Regal Entertainment.
SHOWBIZ KONEK
ni Maricris Valdez Nicasio
