Sabong pasok sa GAB

ISASAILALIM na sa Games and Amusement Board ang larong sabong at iba pang electronic betting games.

Inaasahang aaprobahan ito ng Kamara sa pangat­lo at huling pagbasa bago mag-adjourn sa linggong ito.

Kasama sa mga aw­tor ng bill ang napatay na si Ako Bicol party-list Rep. Rodel Batocabe at Abra Rep. Joseph Sto. Niño Bernos.

Sa kasalukuyan, ang pangasiwaan ng GAB, na pinamumunuan ni da­ting  Palawan governor at congressman Baham Mitra, ay sumasaklaw sa professional sports at pag­taya sa karera ng kabayo.

Ayo kay Mitra pina­lawak ng panukala ang kapangyarihan ng GAB na may kaugnayan sa professional sports sa makabagong teknolohiya.

Kasama sa panukala ang pagbibigay ng man­dato sa GAB na gumawa ng “uniform rules and regulations” para sa lahat ng sabungan sa buong bansa. (GERRY BALDO)