HATAW! D'yaryo ng Bayan hatawtabloid.com
NAKOMPISKA ang iba’t ibang uri ng kontrabando mula sa detention cell ng Bureau of Immigration (BI) sa Camp Bagong Diwa, Taguig City matapos ang sorpresang inspeksiyon ng mga awtoridad kamakalawa ng hapon.
Pinangunahan ni Atty. Jesselito Castro, ng Intelligence at Regional Special Operation Unit ng National Capital Region Police Office (NCRPO) ang naturang inspeksiyon.
Nakuha sa detention cell ng mga banyaga ang samot- saring kontrabando tulad ng mga cellphone, portable air condition units, portable wi-fi, mga bakal na gunting, laptops, DVD players, deck of cards, at lighters.
Dahil sa mga balitang kanilang natatanggap agad silang nagsagawa ng sorpresang raid sa detention cell na malayang nakagagamit ang mga dayuhang inmates ng mga gadgets, na mahigpit na ipinagbabawal sa loob.
Nasa 236 dayuhan ang nakapiit sa BI detention cell habang inihahanda ang deportation laban sa kanila. (JAJA GARCIA)
