Sa Batang Bilanggo Bill… 12-anyos aprub kay Duterte

KOMPORTABLE si Pangulong Ro­drigo Duterte na ibaba sa 12 anyos ang criminal liability ng isang Fili­pi­no mula sa 15-anyos, hindi sa 9 anyos.

Ang pahayag ay ginawa ng Pangulo kasunod ng pagpasa sa second reading ng Batang Bilanggo Bill na 12-anyos ang criminal liability at hindi na 9 anyos gaya ng naunang ipinanukala.

“If it’s the final decision, I’m comfortable with it,” anang Pangulo sa panayam kagabi sa Pasay City.

Umani ng batikos ang naunang bersiyon ng ‘Batang Bilanggo Bill’ na 9-anyos criminal liability mula sa iba’t ibang child rights advocates maging ang UNICEF.

Giit ng Pangulo, gusto lang niya na sa maagang edad ay maging ‘con­scious’ maging ang mga magulang ng bata sa pa­na­nagutan nila at kapag nagpabaya ay idedeman­da sila.

Hindi naman aniya makukulong ang bata bagkus ay pangangaralan lang ng social workers.

ni ROSE NOVENARIO