HATAW! D'yaryo ng Bayan hatawtabloid.com
BUMABA nang 21 porsiyento ang krimen sa Metro Manila mula sa 18,524 noong taon 2017 ay naging 14,633 crime rate nitong 2018.
Ito ang inihayag kahapon ni National Capital Regional Police Office (NCRPO) Director Guillermo Eleazar.
Dahil sa patuloy na giyera kontra droga, maituturing na bumaba ang krimen sa Metro Manila nitong 2018 kompara noong nakaraang taon, ani Eleazar .
Ayon sa NCRPO Chief, base sa kanilang datos, bumaba nang 52 porsiyento ang mga kaso ng murder; bumaba ng 27 porsiyento ang mga kasong crimes against persons at nasa 17 porsiyento ang binaba ng crimes against property.
Malaki ang paniwala ni Eleazar na ang pagbaba ng crime rate sa Metro Manila ay bunsod sa patuloy na kampanya ng pamahalaan kontra droga.
