HATAW! D'yaryo ng Bayan hatawtabloid.com
KUNG walang pagbabago, sa Enero 21, 2019 na ang airing ng The General’s Daughter ni Angel Locsin kaya pala parating ipinakikita ang trailer nito sa ABS-CBN at social media.
Papalitan ng The General’s Daughter ang seryeng Ngayon at Kailanman nina Joshua Garcia at Julia Barretto na nagsimula noong Agosto 20 (5 months).
Bale back-to-back ang FPJ’s Ang Probinsyano at The General’s Daughter na parehong Dreamscape Entertainment produce.
Ang Halik na umere rin noong Agosto 20 ay extended dahil ayaw pa itong patapusin ng manonood lalo na ang mga kabit o mistresses na naging positibo ang dating sa buhay dahil kay Yam Concepcion.
Oo nga, kahit super late na ang airing ng Halik ay ang taas pa rin ng ratings nito dahil sakto ang oras ng pagdating ng mga nag-oopisina lalo na ang mga ‘kabit.’
Going back to The General’s Daughter, paspasan ang tapings ni Angel bilang si 2nd Lt Rhian Bonifacio at pinaghandaan niya talaga dahil ang dami niyang action scenes.
Inaabangan din ng supporters ng aktres ang muli niyang pagbabalik sa primetime na ilang buwan din siyang nawala.
Bukod kay Angel ay kasama rin sa cast sina Tirso Cruz lll, Albert Martinez, Ryza Cenon, Paulo Avelino, JC De Vera, Arjo Atayde, Eula Valdez, Janice de Belen, at Maricel Soriano. Kasama rin sa supporting sina Eric Quizon, Kim Molina, Louise de los Reyes, Polo Ravales, Loisa Andalio, Ronnie Alonte, Lexi Fernandez, Art Acuna, CholoBarreto at iba pa.
FACT SHEET
ni Reggee Bonoan
